جولة داخل احد مقرات جوجل

Unknown

8:33 م

0 تعليقات

شاركه غرد جوجل+

السلام عليكم
مجموعة الصور التالية أخذت من داخل مقر جوجل في زيورخ ألمانيا.
شوف جوجل إزاي مظبطة موظفيها آخر تظبيط ، وعندها حق فعلا تبقى الشركة رقم 1 في عالم الانترنت.
( لتكبير اي صورة اضغط عليها)

 دي "زحليقة" بتربط بين دورين ، الدور السفلي كافتيريا والدور العلوي صالة رياضية ،أحسن من الاسانسير :)

ده بقى المطعم ، فيه كل حاجة تتخيلها ، بدءا من الوجبات الخفيفة حتى الوجبات الكاملة والحلويات . كل حاجة بتتعمل بإيد طباخين مخصوصين لشركة جوجل.

طبعا مطعم زي ده يخلي الواحد يزيد في وزنه بسرعة ، علشان كده في صالة رياضية تظبط فيها نفسك.

 لو عندك طفل ، ممكن تجيبه معاك الشغل ، لهم اماكن مخصصة ، واهو توفر اجرة الحضانة.

دي بقى غرف للمساج ، المساج فيها عن طريق سراير مهتزة -مدلك الكتروني- ، مجانا طبعا ، ولو عايز تجيب مدلك بني آدم هيبقى بفلوس ، بس مدعم يعني جوجل بتدفع جزء كبير من أجرته.

دي صالة بلياردو عالماشي مع شوية عصاير أو قهوة لو عايز تفرفش شوية.

دي صالة الالعاب الالكترونية ... ناس مزاجها عالي قوي ، أنا مش عارف الناس هتشتغل امتى على كده.

دي حاجة برضو زي الزحليقة ، بس بتربط بين الدور التاني بصالة الالعاب.

بصراحة مش عارف ده يطلع ايه ، بس شكله وسيلة تنقل داخل الشركة

ده بقى يا سيدي المكان اللي بيشتغلو فيه (آه هما بيشتغلو طبعا امال هيقضوها لعب واكل) ...

دي كابينة الاتصالات ، يعني ممكن تروح فيها بعيد عن الدوشة تعمل مكالمتك ، وهي مزودة بقلم وورق لوحبيت تسجل ملاحظة أو حاجة اثناء المكالمة.

الغرفة المائية ، هي غرفة للاسترخاء والراحة. الإضاء خافتة ، والسراير مزودة بمساج.
طبعا ممنوع التليفونات المحمولة أو اللاب توب أو الكلام ، فقط الاسترخاء ومشاهدة السمك الاستوائي في منظر بديع.


لو موظف جوجل مش عارف يشتغل كويس ومزاجه مش حلو ، ممكن يغير المكان يروح في أي حتة يغير فيها الروتين.

دي المكتبة. :)

طبعا ده غير المرتبات اللي بيخدوها (أنا مبحسدش أنا بحقد بس)
جوجل مبتفرضش على موظفيها جدول معين للشغل ، اشتغل وقت ما انت عايز ، اهم حاجة المشروع المكلف بيه يخلص في ميعاده.

أعتقد لو انا مكان الموظفين دول هبيع البيت بتاعي أوأءجره وروح أسكن في مقر جوجل.

نسعد بتعليقاتكم على الموضوع